बैशाख १२ (निजगढ)
नेकपा एमालेले निजगढ नगरपालिका वडा नम्बर ८ बाट वडा अध्यक्ष पदमा समाजसेवी भोला प्रसाद गौतमले उम्मेदवारी दर्ता गराएका छन् ।
गौतम नेकपा एमाले निजगढ नगर कमिटीका उपाध्यक्ष, सगरमाथा साकोसका अध्यक्ष हुन् । उहाँलाई दिन दुखीहरुको सामु समाजसेवीको रुपमा चिरपरिर्चित नामले चिन्ने गरिन्छ ।
वडा नं.८ बाट वडा अध्यक्ष पदमा गौतम र विदुरलाल श्रेष्ठ दाबेदार रहनु भएको थियो । वडामा अब्बल नेता, समाजसेवी र क्षमतावान गौतमको उम्मेदवारीमा नाम सिफारिस भएकोमा वडाबासीहरु खुसी ब्यक्त गदै आफ्नो नगरमा भएका समस्याहरुको अब सहजै हल हुने विश्वास लिई गौतम जस्तो उम्मेदवारको खाँचो रहेकोले उहाँलाई विजय गराउन वडावासीहरु अग्रसर भएका छन् ।
आगामी ३० गते हुने स्थानीय निर्वाचनमा वडा अध्यक्ष गौतम सहित दलित सदस्य महिला तर्फ चम्पा परियार, महिला सदस्य तर्फ बबिता साह र खुल्ला सदस्यहरु तर्फ चित्र बहादुर लामा र केशव बहादुर दनुवारको नाम सिफारिस भएको छ ।
