बैशाख २० (निजगढ)
निजगढ नगरपालिकामा नेपाली कांग्रेस र माओवादी पार्टी परित्याग गरी ३ दर्जनभन्दा बढी कार्यकर्ता मंगलवार नेकपा एमालेमा प्रवेश गरेका छन् । नेकपा माओवादी केन्द्र निजगढ नगर कमिटीका सदस्य धनकुमारी दर्जी र नेपाली कांग्रेसका क्रियाशील सदस्य विषेश्वर राजभण्डारी सहित ३ दर्जन नेता कार्यकर्ताहरु एमालेमा प्रवेश गर्नुभएको हो । उनीहरु चुनाव प्रचारको क्रममा नेकपा एमालेले निजगढ ९ मा आयोजना गरेको चुनावी घरदैलो कार्यक्रममा एमाले प्रवेश गरेका हुन । नवप्रवेशीलाई नेकपा एमालेका पोलिटब्युरो सदस्य पुरुषोतम पौडेलले अबिर र खादा ओढाएर पार्टीमा स्वागत गर्नुभएको थियो । कार्यक्रममा एमालेका प्रदेश कमिटी सदस्य एकबहादुर श्रेष्ठ, नेपाल राष्ट्रिय उद्योग बाणिज्य संघका केन्द्रीय सदस्य गोपाल लम्साल लगायतको उपस्थिति रहेको थियो । कार्यक्रमको अध्यक्षता वडा नम्बर ९ का पार्टी वडा कमिटी अध्यक्ष पशुपती सापकोटाले गर्नुभएको थियो । त्यसैगरी वडा सचिव दिपक श्रेष्ठले कार्यक्रमको सञ्चालन गर्नुभएको थियो ।
