बारामा कुखुरा फर्ममा आगलागी हुँदा नियन्त्रण गर्न गएको बारुण यन्त्र माथि तोडफोड

बैशाख ०५ (कलैया)
बाराको कलैया उपमहानगरपालिका ११ सितलपुर स्थित एउटा कुखुरा फर्ममा आगलागि भए पछि आगो निभाउँन पुगेको कलैया उपमहानगरपालिकाको ना.१.क.५०९५ नम्बरको बारुण यन्त्रमा स्थानीयले तोडफोड गरेका छन् । आगलागि भएको स्थानमा समय मैं नपुगेको भन्दै आक्रोशित स्थानीयले बारुण यन्त्रमा तोड्फोड् गरेका हुँन् । तोडफोडबाट दमकलको शिसा फुटेको छ । त्यसैगरी जिल्लाको करैयामाई गाउँपालिका वडा नम्बर ३ गालोपट्टी बजनी बस्ने वर्ष ६० को रामजी साह तेलीको खेतमा गँहु काटिएको खुट्टीमा आगो लगाउँदा नजिकै रहेको सपेताको रुख डढेको प्रहरीले जनाएको छ । तेलीको १५ कठ्ठा बराबर खेतमा लगाइएको सपेता डढेर नष्ट भएको छ । त्यसैगरी सोही ठाउँ .बस्ने सोनेलाल केशरीको ५ कठ्ठा, शम्भु केशरीको ५ कठ्ठा, राजहरण साह तेलीको ५ कठ्ठामा लगाइएको सपेता आंसिक रुपमा जलेर क्षेति भएको जिल्ला प्रहरी कार्यालय बाराका प्रहरी प्रवक्ता राजेश थापाले जानकारी दिनुभयो ।