चैत्र १६ ( निजगढ)
च्याप्टर नेपालको आयोजनामा मंगलवार निजगढ ४ स्थित वडा कार्यालयको भवनमा बिद्यार्थी अभिमुखिकरण कार्यक्रम सम्पन्न भएको छ । कार्यक्रम आयोजक टिमका अध्यक्ष रुद्र प्रसाद धितालको अध्यक्षतामा सम्पन्न भएको थियो । कक्षा + २ मा अध्ययनरत बिद्यार्थीहरुलाई मध्यनजर गदै बिद्यार्थी अभिमुखिकरण कार्यक्रमको आयोजना गरिएको सुदिप तिमल्सिनाले जानकारी दिनुभयो ।
कार्यक्रममा स्वागत मन्तब्यको रुपमा चन्दन कुमार चौधरी र सुदिप तिमल्सिना लगायतको बोल्नु भएको थियो । उक्त कार्यक्रमका प्रमुख अतिथिको रुपमा वडा नंं. ४ का वडा अध्यक्ष जयराम कुंवर, अतिथि कैलाश धामी, चन्दन कुमार चौधरी र दिनेश खड्का रहनु भएको थियो भने कार्यक्रम संचालन इराज कोइरालाले गर्नुभएको थियो ।
