फाल्गुण २७ गते
युथ अफ निजगढको आयोजनामा सदा झै हुदै आई रहेको रक्तदान कार्यक्रम एवम् कन्सर्ट यस बर्ष पनि हुने भएको छ । प्रि होली कन्सर्टको ८ औं संस्करण युथ अफ निजगढले भोली २८ गते शनिवार निजगढ ७ स्थित विद्यासागर इङ्लिस बोर्डिङ स्कुलको प्राङ्गण निजगढमा गर्न लागेको हो । कार्यक्रममा गायक प्रमोद खरेल र गायिका रचना रिमाल आउनुको साथै स्थानीय कलाकारहरुको समेत वेजोड प्रस्तुती रहने क्लवका अध्यक्ष प्रकाश काफ्लेले जानकारी दिनुभयो ।
क्लवले यस वर्ष पनि प्रि होली कन्सर्टको साथ साथै उक्त दिन रक्तदान कार्यक्रमको आयोजना समेत गर्ने भएको छ । रक्तदान कार्यक्रम विहान ७ बजेबाट हुने क्लवका सचिव कमल पराजुलीले बताएका छन् ।
