काठमाण्डौ, २५ असोज – नेपाली सेनाले काठमाण्डौ–तराई मधेश द्रूतमार्गको निर्माण तोकिएको मिति र प्रारम्भिक अनुमानित लागतमा पूरा गर्ने दावी गरेको छ। सेनाको युद्धकार्य निर्देशक, मनोज थापाले जानकारी दिएका अनुसार, विस्तृत आयोजना प्रतिवेदन ९डीपीआर० स्वीकृत गर्न केही ढिलाइ भए पनि अब निर्माण कार्यलाई निर्धारित मितिमा २०८३ सालको चैत मसान्तसम्म र अनुमानित लागत २ खर्ब १३ अर्ब रुपैयाँभित्रै सम्पन्न गरिने छ।
नेपाली सेनाले सन् २०७४ वैशाखमा काठमाण्डौ–तराई मधेश द्रूतमार्गको निर्माण जिम्मा लिएको थियो। यो परियोजना लगभग ७१ किलोमिटर लम्बाइको हुनेछ र यो उपत्यकासँग मध्यतराईलाई सिधा जोड्ने छोटो दूरीको राजमार्गको रूपमा कार्य गर्नेछ।
अहिलेसम्म परियोजनाको भौतिक प्रगति ४३।६ प्रतिशत र वित्तीय प्रगति ४४।७२ प्रतिशत पुगेको सेनाले जनाएको छ। निर्माणको अन्तिम चरणमा रहेका ८७ वटाभन्दा बढी पुलमध्ये केही विशिष्ट प्रकारका पुलहरू ८२ मिटर सम्म अग्ला हुनेछन्। यी पुलहरूको निर्माण अन्तिम चरणमा पुगेको जानकारी दिँदै सेनाले समयमै परियोजना पूरा हुने दावी गरेको छ।
काठमाण्डौ–तराई मधेश द्रूतमार्गको आयोजनाअन्तर्गत सात वटा सुरुङ निर्माण गरिनुपर्नेछ। तीमध्ये दुई वटा सुरुङ छिचोलिएका छन्, दुई वटा निर्माणाधीन छन्, र तीन वटा ‘पोर्टल’ निर्माण कार्यमा छन्।
नेपाली सेनाले यस अघि ३२ वटा रणनीतिक महत्वका सडक आयोजनाहरू सफलतापूर्वक सम्पन्न गरेको छ।
काठमाण्डौ–तराई मधेश द्रूतमार्गको महत्व :-
यो द्रूतमार्ग काठमाण्डौ उपत्यकासँग मध्यतराईको सिधा सम्पर्क जोड्ने प्रमुख मार्ग हुनेछ, जसले यातायात र व्यापारिक गतिविधिहरूमा सुधार ल्याउने अपेक्षा गरिएको छ। साथै, यसले सवारीहरूको यात्रा समयलाई कम गराउने र सडक सुरक्षा सुधारमा योगदान पुर्याउने छ।
