पिलुवा,ब्रह्माकुमारी राजयोग सेवा केन्द्रले प्रेस चौतारी नेपालको केन्द्रीय सदस्य एवंम बारा जिल्ला इन्चार्ज अच्युत पौडेललाई सम्मान गरेको छ
सेवा केन्द्रको सहयोग र हितको लागि काम गर्दैआएको भन्दै पौडेललाई सेवा केन्द्रका संचालक ब्रह्माकुमार गुणराज लामिछानेले दोसल्ला ओढाएर सम्मान गर्नुभएको हो ।
पौडेलले सेवा केन्द्रको सभा कक्षमा प्रयोग गर्न आवश्यक साउण्ड सिस्टम सहयोग गर्नुभएको सो अवसरमा जानकारी गराइएको थियो ।
सेवा केन्द्रले कार्यक्रममा सहभागी सबै पत्रकारहरुलाई भगवान श्रीकृष्णको फोटो उपहार प्रदान गरेको थियो ।
प्रेस चौतारी बाराले शान्ति बाटिकामा मंगलवार आयोजना गरेको भेला तथा प्रशिक्षण कार्यक्रम समाप्त भएपछि सेवा केन्द्रले समय मागेर पत्रकार पौडेललाई स्वागत गर्नुको साथै बुधवारको लागि आयोजना गरिएको विश्व वातावरण दिवस कार्यक्रमको बारेमा पनि जानकारी गराएको थियो ।
हलखोरिया साझेदारी वन व्यवस्थापन समिति र राजयोग सेवा केन्द्र पिलुवाले वन क्षेत्रमा सरसफाइ, वृक्षरोपणसहित वातावरण संरक्षण सम्बन्धी अन्तरक्रिया कार्यक्रमको आयोजना गर्ने जनाइएको छ ।
राजयोग सेवा केन्द्रका संचालक ब्रह्माकुमार लामिछानेले विश्व वातावरण दिवसका दिन विहान ६ः३० बजेबाट कार्यक्रम आयोजना गरिने जानकारी दिनुभएको थियो ।
