निजगढ,निजगढको भक्तलालमा गोठालो गएकी एक महिलाको बाढीले बगाएर मृत्यु भएको छ । गाईभैसी चलाउन जंगल गएकी निजगढ नगरपालिका वडा नम्बर १३ भक्तलाल बेसीगाउँकी वर्ष ४० कि माईलीमाया वाईवाको शव आईतवार गाउँकै भक्तलाल खोलाको बगरमा फेला परेको थियो । उनको शनिवार आएको बाढीले बगाएर मृत्यु भएको बताइएको छ । गोठालोबाट घर फर्किने क्रममा वाईवालाई खोलाको बाढीले बगाएको इलाका प्रहरी कार्यालय निजगढका प्रहरी निरीक्षक सुमित कुशवाहाले बताउनुभयो । वाईवाको शव आईतवार निजगढ–१२ स्थित बुङ्ग्जोर नजिकै खोला बगरमा फेला परेको थियो । शनिवारदेखि सम्पर्क विहिन बनेकी वाईवाको शव स्थानीयले देखेपछि प्रहरीलाई खबर गरेका थिए ।
