अमलेखगंज : जीतपुरसिमरा उपमहानगरपालिको अमलेखगंजमा बस दुर्घटना हुँदा हिजो एकजनाको मृत्यु भएको छ । घटनामा थप ३ जना घाइते भएका छन् ।
मृत्यु हुनेमा पर्सा जिल्ला पर्सागढी नगरपालिका वडा नम्बर ८ रमौली बस्ने अन्दाजी वर्ष २४ का नन्दन चौधरी रहेका छन् । चौधरीको उपचारको क्रममा कलैयामा अस्पतालमा मृत्यु भएको प्रहरीले बताएको छ । हेटौडाबाट पथलैयातर्फ आउदै गरेको ना.७ ख ३६३९ नम्बरको बस अमलेखगंजस्थित पूर्वपश्चिम लोकमार्र्गमा अनियन्त्रित भएर दिउसो ३ बजेको समयमा सडक छेउमा पल्टिदा दुर्घटना भएको थियो ।
बसमा सवार यात्रुहरु मध्ये ४ जनाको अवस्था गम्भीर रहेकोमा चौधरीको घटना स्थलमै मृत्यु भएको जिल्ला प्रहरी कार्यालय बाराका प्रहरी नायव उपरीक्षक राजेन्द्र थापाले जानकारी दिनुभयो । घाइते हुनेमा बारा करैयामाई गाउँपालिका वडा नंं. ७ मा बस्ने वर्ष ५३ का जंगनारायण चौधरी, जिल्ला मकवानपुर हेटौडा उपमहानगरपालिका वडा नंं. ९ बस्ने वर्ष ६० का फेकन दास, बारा जिल्ला जीतपुरसिमरा उपमहानगरपालिका वडा नं.२१ अमलेखगंज बस्ने वर्ष ४५ का अकल बहादुर लामा रहेका छन ।
घाइतेमध्ये फेसन दास र अकलबहादुर लामाको हेटौडास्थित सहकारी अस्पताल र जंगनारायण चौधरीको कलैया अस्पतालमा उपचारको लागि भर्ना गरिएको प्रहरी उपरीक्षक थापाले बताउनुभयो । घाइते सबैको हात, खुट्टा र शरीरका विभिन्न भागमा गम्भीर चोट लागेको छ ।
