जेष्ठ ०७ (कोल्हवी)
कोल्हबी नगरपालिकाको मेयर र उपमेयरमा नेपाली कांग्रेसका उम्मेदवार निर्वाचित भएका छन् ।
नगरपालिकाको मेयरमा रामप्रसाद चौधरी र उपमेयरमा लक्ष्मीकुमारी चौधरी निर्वाचित हुनुभएको हो । कांग्रेस उम्मेदवार रामप्रसादले निकटतम् प्रतिस्पर्धी नेकपा एमालेका भरत बहादुर भण्डारीलाई ७ सय बढी मतान्तरले हराउँदै मेयरमा निर्वाचित हुनुभएको हो । चौधरीले ९ हजार १०५ मत ल्याउदा एमालेका भण्डारीले ८ हजार ३०७ मत मात्र पाउनुभयो ।
यस्तै उपमेयरमा एमालेकी उम्मेदवार सुनइना थरुनीलाई ६ सय बढी मतले पराजित गर्दै कांग्रेसकी लक्ष्मी कुमारी चौधरीले जित्नुभएको हो । लक्ष्मीले ९ हजार ८८ मत ल्याउदा एमालेकी सुनइनाले ८ हजार ४८३ मत मात्र पाउनु भयो ।
गत २०७४ सालको स्थानीय तह निर्वाचनमा कोल्हबी नगरको मेयरमा नेकपा एमालेबाट भरतबहादुर भण्डारी र उपमेयरमा सुनइना थरुनी निर्वाचित हुनुभएको थियो ।
