चैत्र २५ (जितपुरसिमरा)
बाराको जीतपुरसिमरा उपमहानगरपालिका वडा नम्बर– १५ डुमरवानामा बिहीवार दिउँसो आगलागी हुँदा लाखौंको धनमाल जलेर नष्ट भएको छ । दिउँसो करिव ३ः०० बजेको समयमा स्थानीय मुक्ति तिमल्सिनाले संचालन गरेको बाख्रापालन गर्ने खोरमा अचानक करेन्ट सर्ट भएर आगलागी भएको जिल्ला प्रहरी कार्यालय बाराले जानकारी दिएको छ । आगलागीबाट बाख्रोको गोठसहित दाना, औषधि र अन्य सामग्रीहरु जेलर नष्ट भएको छ । आगलागीको सूचना पाए लगत्तै डुमरवाना प्रहरी पोस्टबाट प्रहरी सहायक निरीक्षकको कमाण्डमा खटिएको टोली र स्थानीय बासिन्दाको मद्दतमा आगो नियन्त्रणमा लिइएको प्रहरी प्रवक्ता थापाले जानकारी दिनुभयो ।
