निजगढ ६ स्थित गौरीशंकर मावि सडकटोलको सहायक प्रधानाध्यापकमा सरोज प्रसाद बन्जारा नियुक्त हुनुभएको छ । विद्यालय व्यवस्थापन समितिको निर्णय अनुसार सहायक प्रअमा नियुक्त हुनु भएका शिक्षक बन्जाराले शुक्रवारबाट पदभार ग्रहण गर्नुभएको हो । मा.वि तृतीय श्रेणीका शिक्षक बन्जारा यसअघि सोही विद्यालयको सहायक शिक्षकको रुपमा कार्यरत हुनुहुन्थ्यो । त्यसैगरी व्यवस्थापन समितिको बैठकले विद्यालयको बिहानी कक्षा संयोजकमा श्रीहरि न्यौपाने, दिवा कक्षा संयोजक प्रभु पराजुली, बिहानी सत्रको अनुशासन संयोजकमा प्रभात तिमल्सिना, दिवा सत्रको अनुशासन संयोजकमा श्यामकृष्ण घिमिरे, अतिरिक्त क्रियाकलाप संयोजकमा बोध दीप तिमल्सिना, बालबिकास कक्षा संयोजकमा अनिता शिवाकोटी, परिक्षा समिती संयोजकमा अर्जुन पाण्डे, अतिरिक्त कक्षा संचालन संयोजकमा सोनालाल कुशवाहालाई जिम्मेवारी दिने निर्णय पनि गरेको छ । जिम्मेवारी तोकिएका सबै शिक्षकहरुलाई शुक्रवार नै प्रमाण पत्रसमेत वितरण गरिएको समितिका अध्यक्ष थानेश्वर सापकोटाले बताउनुभयो ।
