निजगढ
५८ औं राष्ट्रिय बाल दिवसको अवसरमा निजगढ नगरपालिको आयोजना र निजगढ नगर बाल सन्जालको समन्वयमा बाल दिवसको अवसरमा निजगढ नगरपालिकाको कार्यालयले आज बुधवार बिहान प्रभातफेरी आयोजनाको कार्यक्रम गरेको छ । निजगढ नगरभित्र रहेका माध्यमिक विद्यालयका विद्यार्थी सहितको सहभागितामा नगरपालिकाले प्रभातफेरी आयोजनाको कार्यक्रम संचालन गरेको हो ।
प्रभाफेरी नगरपालिकाबाट निकाली बजार परिक्रमा गर्दै पुन ः नगरपालिकाको कार्यालय मा आएर समापन भएको थियो ।
प्रभातफेरीमा निजगढ नगरपालिकाका नगर प्रमुख सुरथ पुरी, उपप्रमुख सोममाया थिङ, प्रमुख प्रशासकीय अधिकृत सुमन धिताल, प्रशासन प्रमुख रविन घिमिरे सहित विभिन्न संघसंस्थाका प्रतिनिधि, विद्यालयका शिक्षक, विद्यार्थी, सुरक्षा निकायका प्रतिनिधिहरु लगायतको उपस्थिती रहेको थियो ।
