- ११ जेष्ठ २०७८, मंगलवार १७:५५ मा प्रकाशित
- खबर कुञ्ज
२०७८ जेष्ठ ११ मङ्गलबार, काठमाडौं । काठमाडौं उपत्यकामा २० जेठसम्म निषेधाज्ञा थपिएको छ ।
आज (मंगलबार) बसेको उपत्यकाका तीन जिल्लाका प्रमुख जिल्ला अधिकारीहरुको बैठकले थप कडाइका साथ निषेधाज्ञा जेठ २० गतेसम्म लम्ब्याउने निर्णय गरेको भक्तपुरका प्रमुख जिल्ला अधिकारी प्रेमप्रसाद भट्टराईले जानकारी दिए । कोरोना संक्रमणदर नघटेकाले निषेधाज्ञा थप कडा पार्ने निर्णय गरिएको हो ।
प्रजिअ भट्टराईका अनुसार औषधि, दूध, तरकारी र खाद्यान्नबाहेकका कुनै पनि पसल खोल्न पाइने छैन । यसअघि किराना पसल र डिपार्टमेन्ट स्टोर खोल्न दिइएको थियो । अब ती पसल खोल्न नपाइने निर्णय गरिएको उनले बताए । यस्ते अब निर्माण कार्य पूर्ण रूपमा बन्द गरिने पनि उनले जानकारी दिए ।
कोभिड नियन्त्रणका लागि १६ वैशाखमा शुरू भएको निषेधाज्ञा पटकपटक थप गरिँदै आएको छ । पछिल्लोपटक थप भएको निषेधाज्ञा १३ जेठसम्म रहेकोमा २० जेठसम्म थप्ने निर्णय गरिएको हो ।
