असार ०७ (निजगढ)
निजगढ नगरपालिका वडा नम्बर ९ निबासी गोविन्द खरेलको घरमा आज मंगलवार दिउँसो चोरी भएको छ । चोरहरुको समुहले खरेलेको घरको मुल ढोका फोरर नगद सहित लाखौं मूल्य बराबरको सुनका गहना चोरी गरेका थिए । घरमा राखिएको करिव २५ तोला सुन र १ लाख रुपैया चोरी भएको खरेलले जानकारी दिनुभयो । घरमा मान्छे नभएको मौका पारेर आएका चोरहरुले बिहान १० बजेदेखि दिउँसो ४ बजेको अवधिमा चोरी गरेको उहाँले जानकारी दिनुभयो । आफन्तको बिहेमा सरिक हुन आफू बिहान १० बजे घरबाट निस्किएको र साँझ ४ बजे फर्किदा चोरी भएको पाइएको घरमुली खरेलले बताउनुभयो ।
उहाँले घरको मुल ढोकाको ताल्चा फोरर भित्र पसेका चोरहरुले चोटाकोठा चाहार्दै दराज र सन्दुकमा राखिएको सुन र नगद निर्थक्कसँग चोरेर लगेको बताउनुभयो ।
ईलाका प्रहरी कार्यालय निजगढका प्रहरी निरीक्षक संजीव ओलीले खरेलको घरमा मंगलवार दिउँसो चोरी भएको तर चोरी भएको सुन र नगदको बारेमा भने सबै जानकारी आउन बाँकी रहेको बताउनुभयो ।
