जेष्ठ ०६ (कलैया)
सत्ता गठबन्धनको उम्मेदवारलाई हराउँदै बाराको कलैया उपमहानगरपालिकाको मेयर र उपमेयर दुवै पद नेकपा एमालेले जितेको छ । मेयरमा विनोद साह र उपमेयरमा रौशन परविन निर्वाचित भएका हुन् ।
साहले २४ हजार १३९ मत ल्याएर विजयी हुँदा पाँच दलीलय सत्ता गठबन्धनका उम्मेदवार नेपाली कांग्रेसका राजेशराय यादवले १८ हजार ५४० मत ल्याए ।
उपमेयरमा निर्वाचित परविनले १९ हजार २५१ मत प्राप्त गरी विजयी हुँदा गठबन्धनबाट उम्मेदवार बनेका जनता समाजवादी पार्टी (जसपा) का प्रमोद गुप्ताले १८ हजार ३०२ मत पाए ।
