निजगढ,राष्ट्रिय प्रजातन्त्र पार्टी निकट महिला संगठनको निजगढ नगर कार्यसमितिको भेला तथा प्रशिक्षण सोमबार सम्पन्न भएको छ ।
राष्ट्रिय प्रजातान्त्रिक महिला संगठनकी नगर अध्यक्ष गीता भट्राईको अध्यक्षतामा भएको सो कार्यक्रमकी प्रमुख अतिथि महिला संगठनकी केन्द्रिय अध्यक्ष अञ्जना शाह रावल, भूतपूर्व सैनिक संगठनका केन्द्रिय अध्यक्ष पूर्वजर्नेल प्रकाशगंज कार्की, राप्रपाका केन्द्रिय सदस्य तथा सदस्य विनोद कुमार भारती, केन्द्रिय सदस्य तथा प्रशिक्षण विभागका सदस्य उद्धवराज भेटवाल, पूर्व केन्द्रिय सदस्य सावित्रीदेवी भारती, राष्ट्रिय प्रजातान्त्रिक महिला संगठन केन्द्रिय सदस्य शेपा सापकोटा लगायतको उपस्थित रहेको थियो । कार्यक्रम निजगढ ७ स्थित सगरमाथा साकोसको सभाहलमा सम्पन्न भएको थियो ।
