निजगढ,निजगढस्थित पूर्वपश्चिम राजमार्गको देउराली चोकमा ट्रकको ठक्करबाट गत हप्ता मृत्यु भएका मोटरसाइकल ईश्वर राईको स्मृतिमा आईतबार गौरीशंकर माध्यमिक विद्यालय निजगढका विद्यार्थीहरुले दिप प्रज्वलन गरेका छन् । मृत आत्माको चिरशान्तिको कामना गर्दै राईका सहपाठीहरुले दुर्घटना स्थल देउराली चोकमा साँझ ६.१५ बजेबाट ७.३० बजेसम्म दिप प्रज्वलन गरेको राईका सपाठी निजगढ ९ का दिवसकुमार तिमल्सिनाले बताउनुभयो । रौतहटको गुजरा नगरपालिका वडा नम्बर ३ सिम्री घर भएका ३० वर्षिय राई गौरीशंकर माविको कक्षा १२ मा अध्ययनरत थिए । राईले चलाएको प्र २–०३–००४ नम्बरको मोटरसाइकललाई सु प्र ०१–००१ ख २७३७ नम्बरको ट्रकले ठक्कर दिएपछि उनको उपचारको क्रममा गत सोमवार वीरगन्जस्थित बयोधा अस्पतालमा मृत्यु भएको थियो ।
दुर्घटनामा राईको मोटरसाइकलको पछाडि बसेका जीतपुरसिमरा उपमहानगरपालिका वडा नम्बर १६ टागियाबस्तिका वर्ष २६ का दिपेश सन्जेल गंम्भीर घाइते भएका छन । उनको हाल वीरगन्जमा उपचार भइरहको छ । मृतक राई र घाइते सन्जेल दुबै जना निजगढ ८ स्थित ओम एडभाइजिङ्गका कामदार हुन । प्रहरीले ट्रकसहित चालक डोटी जिल्लाको केआइ सिंह गाउँपालिका घर भइ हाल कैलालीको गोदावरी नगरपालिका वडा नम्बर ९ बस्ने वर्ष ३४ को योगेशराज भाटलाई नियन्त्रणमा लिएको छ ।
