निजगढ, बाराको निजगढ नगरपालिका १२ रतनपुर थली निवासी ११ बर्षिय बालिकालाई शुक्रबार साँझ जबर्जस्ती करणी गरी फरार बनेका ६० बर्षिय राना साईला भन्ने सोम बहादुर लुम्बा पक्राउ परेका छन् ।
आमा घर बाहिर काम गर्न गएको अबस्थामा अपाङ्ग बालिकालाई जबर्जस्ती करणी गरी फरार बनेका रानालाई उनकै भिनाजुको घरमा लुकीछिपी बसेको अबस्थामा प्रहरीले शनिवार पक्राउ गरेको हो ।
घटनाको सुचना प्राप्त हुनासाथ रतनपुर पोस्ट र ईलाका प्रहरी निजगढबाट खटेको टोलीले रगत बगेको अवस्थामा बालिकाको उद्धार गरी उपचारको लागी प्रादेशिक अस्पताल कलैया बारा पठाईएकोमा थप उपचारको लागी नारायणी अस्पताल बिरगन्ज पठाईएको र पक्राउ परेका रानालाई निजगढ प्रहरी कार्यालयको नियन्त्रणमा राखी थप अनुसन्धान कार्य भैरहेको प्रहरी निरिक्षक घनश्याम श्रेष्ठले बताउनुभयो ।
घटनालाई थप गम्भीरताका साथ लिदै मेची महाकाली बुहारी संयुक्त आवाज निजगढले शनिवार प्रेस विज्ञप्त जारी गदै निजगढ प्रहरी कार्यालयमा गई घटना गर्ने अपराधिलाई कडाभन्दा कडा कार्वाहीको माग राख्दै प्रहरी निरिक्षक घनश्याम श्रेष्ठलाई ध्यानाकर्षण पत्र समेत हस्तान्तरण गरेको थियो ।
हस्तान्तरण कार्यक्रममा चन्द्रिका कुमारी मगर, कल्पना खरेल, उषा मोक्तान, अनिता पाण्डे, सगुन लामा, शान्ति लामा, परु थापा पुजा सापकोटा र शुभद्रा पौडेल लगायत सदस्यहरुको उपस्थित रहेको थियो ।
