निजगढ, अभियान्ता रविराज दङ्गालले सुरु गरेको ‘निजगढ सिटी एभोकार्डो सिटी’ अभियानको प्रगति विवरण आईतबार सार्वजनिक गरिएको छ । निजगढस्थित होटल हाइवेमा पत्रकार सम्मेलन मार्फत अभियानको प्रगति विवरण सार्वजनिक गरिएको हो । पत्रकार सम्मेलनमा अभियान्ता दङ्गालले समाजमा केही गर्नुपर्छ भन्ने मान्यताका साथ आफूहरुले अभियान सुरु गरेको र अभियान विशुद्ध सामाजिक अभियान भएको बताउनुभयो ।
कार्यक्रममा दिइएको जानकारी अनुसार अभियान अन्तर्गत हालसम्म ४ लाख ७२ हजार ४४१ रुपैया आम्दानी र ६ लाख १० हजार ५०० रुपैया खर्च भएको छ । अभियान सफल पार्न विभिन्न दाताहरुले आर्थिक र विरुवा सहयोग गरेको अभियान्ता दङ्गालले सो अवसरमा जानकारी दिनुभयो । पत्रकार सम्मेलनमा अभियानका सहयोगीहरुको पनि उपस्थिति रहेको थियो । कार्यक्रमको संचालन मोहन डिसीले गर्नुभएको थियो ।
