प्रेसशिलशिला
जेष्ठ १८ (निजगढ)
बाराको कोल्हवी नगरपालिका वडा नं २ भलुवाईखोरमा आज बुधवार बिहान सडक दुर्घटना भएको छ । तामागढी कोल्हवी हुलाकी मार्ग सडक खण्डमा बाराको पचरौताबाट कोल्हवी हुदै निजगढ तर्फ गईरहेको बा.१९ च ३९०९ नम्बरको कलेजी रङको कारले निजगढबाट कोल्हवी आउदै गरेको प्रदेश २–०३ –००१ ह ७२९ नम्बरको निलो अटोलाई ठक्कर दिदा अटो चालक बटौलिया निवासी ईश्वर चौधरी गम्भीर गाईते भएका छन् । घाईते चालकको टाउकोमा चोट लागेर यति बेला उपचारको लागि कोल्हवीमा रहेको जननायक अस्पतालमा लगिएको अस्थाई प्रहरी पोष्ट झुरझुरका प्रहरी हवलदार पकंज शर्माले जानकारी दिनु भयो । दुर्घटनामा परेको कारमा ४ जना सवार भएका र सबै सकुशल रहेको र अटोमा भने अटो चालक मात्र रहेको अस्थाई प्रहरी पोष्ट झुरझुरले जानकारी दिएको छ । प्रहरीका अनुसार दुर्घटनामा परेको अटो पुर्ण रुपमा क्षति भएको छ भने कारमा केही क्षति भएको छ । दुर्घटनाग्रस्त दुबै सवारी साधन र कार चालक निजगढ ७ निवासी दिनानाथ साह यति बेला झुरझुर प्रहरीको नियन्त्रणमा रहेका छन् ।
