जेष्ठ ११ (निजगढ)
पिक अप भ्यानको ठक्करबाट निजगढ वडा नम्बर ९ को बाइपास रोडमा आज बुधवार दिउँसो एकजनाको मृत्यु भएको छ । निजगढ नगरपालिका वडा नम्बर ९ प्रभातवस्ति घर भएका अन्दाजी वर्ष ५५ का सिताराम आचार्यको बा.प्रदेश ०३–००१ च १४४६ नम्बरको भ्यानको ठक्करबाट मृत्यु भएको हो । स्थानीय किसानको केरा लोड गर्न भनेर आएको सो भ्यानले ब्याक गर्ने क्रममा सडकमा हिडिरहेका आचार्यलाई ठक्कर दिएको थियो । भ्यानको ठक्करबाट आयार्यको घटनास्थलमा नै मृत्यु भएको इलाका प्रहरी कार्यालय निजगढले जनाएको छ । प्रहरीले भ्यानसहित चालक कोल्हबी नगरपालिका वडा नम्बर ४ भलुहीखोर घर भएका अमित घर्तीलाई नियन्त्रणमा लिएको छ ।
