बैशाख २२ (सिमरा)
स्थानीय तह निर्वाचनमा जीतपुरसिमरा उपमहानगरपालिकामा नेकपा एमालेबाट मेयर पदमा उम्मेदवार बन्नुभएकी सरस्वतीदेवी चौधरीलाई नगरको पहिलो महिला मेयरको रुपमा हेर्न नगरबासी मतदाताहरु उत्साहित देखिएको पाइएकोछ ।
चुनावी अभियानका क्रममा मतदाता माझ पुग्नुभएकी चौधरीलाई नगरबासीले मेयरमा निर्वाचित भएर ईतिहास रच्न भन्दै शुभकामना दिन थालेका हुन् । आफ्नों प्रतिबद्धता सहित मतदाताको घरदैलोमा पुग्नुभएकी चौधरीलाई नगरबासीले उत्साहित हुदै स्वागत गरेका हुन ।
स्थानीयले चौधरीलाई जिताउन अभियान नैं चलाएका छन् । उहाँले उपमेयर भएर धेरै राम्रो काम गनुभएकोले अब उहाँलाई मेयर बनेको हेर्न चाहना रहेको स्थानीय सुविला खातुनले बताउनुभयो । चौधरीलाई मेयर बनाउन गाँउका महिला सबै एक भएर लागेको पनि उहाँले बताउनुभयो ।
स्थानीयको घरघरमा पुगिरहेकी मेयर पदकी उम्मेदवार चौधरीले आफु बिजयी भएर नगरको विकासलाई प्राथमिकतामा राखेर काम गर्ने बताउनुभएको छ । मतदाता भेटघाट गर्ने क्रममा घरदैलो गर्दै वडा नम्बर १६ को टाँगियाबस्ती पुग्नुभएकी चौधरीलाई स्थानीयले मेयर पदमा जिताउने प्रतिबद्धतासहित शुभकामना दिएका थिए
