चैत्र २५ (निजगढ)
निजगढ नगरपालिकामा दुई वटा मोटरसाइकल एकआपसमा ठोक्किदा दुईजना घाइते भएका छन् । निजगढ नगरपालिका वडा नम्बर १ को पूर्वपश्चिम लोकमार्गबाट रौतहटको गुजरा नगरपालिका सिमरी जाने कच्ची सडक नजिक निजगढबाट चपुरतर्फ जादै गरेको ना.१०.प.३५९८ नम्बरको मोटरसाइकललाई सोहि दिशातर्फ जादै गरेको ना.२३ प.नम्बरको मोटरसाइकलले बिहीवार दिँउसो ३.३० बजे पछाडिबाट ठक्कर दिदा रौतहट गुजरा नगरपालिका वडा नम्बर ५ निवासी वर्ष ४१ का महमद हुसेन अन्सारी गम्भीर घाइते भएका छन् । उनको खुट्टा र टाउकोमा चोट लागेको छ भने, अर्को मोटरसाइकल चालक निजगढ नगरपालिका वडा नम्बर ९ बस्ने वर्ष १८ का सुजन पुडासैनी पनि घाइते बनेको तर उनको अवस्था भने सामान्य रहेको प्रहरीले बताएको छ । उनको नाक र निधारमा चोट लागेको छ । दुबै जनाको नेशनल अस्पताल निजगढमा उपचार भइरहेको ईलाका प्रहरी कार्यालय निजगढका प्रहरी निरीक्षक शंकरप्रसाद चौधरीले जानकारी दिनुभयो ।
